هو انا صاحي ولا فى غيبوبة؟
فتحت عينيا على دى الدنيا لقيت الاخوة العرب فى بعض بياكلوا!!
سيبين العدو جوه بلادهم وعلى الهيفا لبعض جايين يقفوا!!
هو انا صاحي ولا فى غيبوبة؟
ان واحد فيهم قال للتانى "اهدى" صرخ التانى وقال "ده بيشتمنى"
"بيقول عليا مجنون وعن كلمة الحق دايما يكممنى"
هو انا صاحي ولا فى غيبوبة؟
ويجى العدو كالعادة ويهدى مابينهم النفوس!!
يدخل بلد كل واحد فيهم وينهب على قد ما يقدر فالفلوس
لا بصراحة كتر خيره من غيره هنجيب منين لصوص!!
هو انا صاحي ولا فى غيبوبة؟
خلاص اقوم اصلى بقى وادعى هو انا يعنى بايدى ايه؟
بس حد يسلفنى وش غير وشى اروح وادعى ربى بيه!!
مهو انا اصلى محاولتش اعمل حاجة وفى الاخر اروحله وادعيه؟
طيب يااااارب صحينا من غيبوبتنا وياريت عقبال مانصحى النصر معانا نلاقيه!
هو انا صاحي ولا فى غيبوبة؟
يارب اكون فى غيبوبة وتكون الدنيا فى الحقيقة حبوبه
تكون الدنيا فيها سلام ... سلام بجد مش كلمة مشطوبة
ولو فعلا الدنيامش زى ماانا شيفاها "مش حرب وغابة مقلوبة"
طيب حد ينوبه فيا ثواب ويصحينى ولو حتى يرمينى بطوبة
عشان الحق اشوف الدنيا بجد حلوة مش زى ماهيا منكوبة
ياجماعة حد يرد عليا
هو انا صاحي ولا فى غيبوبة؟
